add

Sunday, July 16, 2017

സാധാരണത്വം

പേരറിയാത്ത
ഒരു പക്ഷിയുടെ പാട്ട്‌
ഇന്നലെ വരെ
ഇവിടെ ചെരിഞ്ഞു
കിടപ്പുണ്ടായിരുന്നു.
എത്ര ശ്രമിച്ചാലും
ഓർത്തെടുക്കാൻ
പറ്റാത്തത്ര
പരിചയമുള്ള ഒരു മണം
ഇടക്കിടെ 
വന്നു പോവാറുണ്ടായിരുന്നു.
ഭൂതകാലത്തിലേക്കു
മറിഞ്ഞു വീഴല്ലേ
എന്നൊരു പല്ലി 
ഇടക്കിടെ 
ചിലച്ചോർമ്മിപ്പിക്കാറുണ്ടായിരുന്നു.
ഭ്രാന്തു പിടിച്ച
ഒരു ഉറുംബു
കൂട്ടം തെറ്റി
എനിക്കു
കൂട്ടിരിക്കാറുണ്ടായിരുന്നു.
ഇന്നു
വളരെ അസാധാരണമായൊരു 
ദിവസമാണു
കാക്ക കരച്ചിലും ,
ചക്ക മണവും
നിന്റെ ഓർമ്മയും
വരിവരിയായി പൊകുന്ന
ഉറുംബുകളും
എല്ലാം എനിക്കു
മനസ്സിലാവുന്നുണ്ട്‌.
എത്ര 
അസാധാരണമാണീ സാധാരണത്വം.

1 comment:

  1. പതിവുകൾക്കപ്പുറം കാണുന്ന കണ്ണുകൾ

    ReplyDelete